दाङमा प्रविधिको ऐतिहासिक सुरुवात: लुम्बिनी प्रदेशकै पहिलो IoT ल्याब ‘iLab’ सञ्चालनमा

२०८२ माघ  ९,

घोराही, दाङ — लुम्बिनी प्रदेशकै पहिलो IoT (Internet of Things) तथा इनोभेसन प्रयोगशाला iLab औपचारिक रूपमा सञ्चालनमा आएको छ। घोराहीमा स्थापना गरिएको यस प्रयोगशालाले कक्षा ३ देखि स्नातक तहसम्मका विद्यार्थीहरूलाई आधुनिक प्रविधि, रोबोटिक्स, स्मार्ट प्रणाली, IoT प्रोजेक्ट निर्माण तथा नवप्रवर्तनमा व्यावहारिक अनुभव प्रदान गर्ने लक्ष्य लिएको छ।

iLab केवल तालिम केन्द्र मात्र नभई विद्यार्थीहरूको सिर्जनशीलता, अनुसन्धान र नवप्रवर्तन क्षमता उजागर गर्ने प्रयोगशाला भएको संस्थापकहरूको भनाइ छ। यहाँ विद्यार्थीहरूले वास्तविक उपकरण प्रयोग गरेर आफ्नै प्रोजेक्ट निर्माण गर्ने अवसर पाउनेछन्।

iLab टिम र नेतृत्व,

“हाम्रो लक्ष्य केवल सैद्धान्तिक ज्ञान दिनु होइन, विद्यार्थीहरूलाई आफ्नै हातले बनाएर सिक्ने अवसर दिनु हो। वास्तविक उपकरणसँग काम गर्दा मात्रै सिप र आत्मविश्वास विकास हुन्छ।”

“प्रतिभा काठमाडौंमा मात्र सीमित छैन। घोराहीका विद्यार्थीहरूमा पनि उत्तिकै सम्भावना छ, तर यहाँ प्लेटफर्मको कमी थियो। त्यही कमी पूर्ति गर्न iLab स्थापना गरिएको हो।”

“हातैले सिक्ने अनुभव अनलाइन कोर्सले दिन सक्दैन। गल्ती गरेर सुधार्ने प्रक्रियाबाटै वास्तविक सिप विकास हुन्छ।”

“आजका बच्चाहरू केवल मोबाइल चलाउने मात्र होइन, LED बलाउने, सेन्सर प्रयोग गर्ने र रोबोटिक्स प्रोजेक्ट बनाउन पनि सक्षम छन्। हामी खेलकै शैलीमा सिकाइ दिन्छौं।”